Ֆասադներ եվ միջնապատեր

ՎԻԼԼԱՇԻՆ ընկերությունն առաջարկում է մեր շինարարական շուկայի համար եզակի՝ գործարանային պատրաստվածությամբ համալիր միջնապատերի համակարգ՝ բնակարանների և գրասենյակների ներսում տարածքները բաժանող ներքին պատերի մոնտաժի համար։ Միջնապատերի տեխնոլոգիան կարող է կիրառվել ինչպես նոր շինարարության, այնպես էլ տարածքների վերակառուցման և վերանորոգման ժամանակ։

Տեխնոլոգիայի առանձնահատկությունն այն է, որ միջսենյակային միջնապատերի հավաքման համար նախատեսված բոլոր տարրերը (ուղղորդիչ պրոֆիլներ, կանգնակներ, բացվածքների և միացումների դետալներ) մեր արտադրությունից մատակարարվում են արդեն չափերով կտրված և գործարանային պայմաններում պատրաստված ինքնահպվող պտուտակների անցքերով, ինչպես նաև հաղորդակցությունների անցկացման համար նախատեսված անցքերով։

Այսպիսի համալիր միջնապատերի հավաքումը մոնտաժի վայրում պահանջում է կարճ ժամանակ, իսկ գործընթացի ընթացքում պրոֆիլի որևէ թափոն չի առաջանում։ Միաժամանակ, նման միջնապատերը սովորական ցինկապատ պրոֆիլների հիման վրա կառուցված ստանդարտ միջնապատերի համեմատ ունեն բարձրացված ամրության և կոշտության հատկություններ։